Kominn með nýja síðu
Sjabbilaw hefur verið flutt á http://blog.central.is/sjabbilaw

Nú er ég hissa, ha Issa?
Mjög heppinn að vera á næturvakt þennan daginn því annars hefði ég þurft að horfa upp á Keflavík steinliggja á heimavelli gegn Val... rosalegt að sjá þennan nýja Arsenal mann því hann getur sama sem ekki neitt, en hann átti að ég held þátt í öllum mörkunum í dag og gott ef það er ekki við hann að sakast yfir mörkunum á hinum völlum Landsbankadeildarinnar líka. Ætla nú samt ekki að fara að koma með neina neikvæðni í garð Keflavíkurliðsins, það hefur mikið gengið á og margir sterkir leikmenn farnir, en við getum prýsað okkur sæla yfir því hvað nágrannar okkar úr Grindavík eru með lélegt lið ásamt Þrótturum... þrátt fyrir að félagi okkar hann Tóti vilji halda öðru fram og býst við því að liðið komi til með að keppa um þann stóra!
En ég ætla ekki að hafa þetta mikið lengra... bið ykkur bara vel að lifa á þessum síðustu og verstu!
Rezpect

Fílahirðirinn frá Zúrín
Usss... það á ekki af mér að ganga. Á leið minni um Amazon um daginn lennti ég í því að vera tekinn gísl af ættbálki einum er þar býr. Man ég nú ekki nafnið á honum en þegar mér var loksins sleppt tók ekki betra við því þá ræðust að mér 10 krókódílar og einn snarbilaður kóalabjörn sem hafði flúið sérstaklega frá Ástralíu ásamt fríðu förunauti kengúra aðeins til að sjá mig auðmýktan af dansandi gíraffa. Ha, og þið kvartið yfir því að ég skrifi ekki nóg inn á síðuna! En nú er ég mættur á klakann aftur, eylítið veðraður en til í tuskið á ný...
Mikið rosalega er ég orðinn háður "fílahirðinum frá zúrín", lagi eftir meistara Megas sem Magga Stína matreiðir á yndislegan máta. Er ég farinn að hlusta á Rás 2 klukkutímum saman með þá von eina í brjósti að lagið verði spilað. Er ég orðinns svo háður þessu að ég vakna bara hreinlega ekki á daginn án þess að heyra rödd Gests Einars óma í eyrum mér.
En ég ætla að lokum að bjóða sjálfan mig velkominn til ritstarfa að nýju... megi ég vel og lengi lifa enda er ég æðislegur!
Rezpect

Mottah fyrir misskilning
Jæja... ég er mættur aftur úr útlegð. Var sendur til Guantanamo fyrir misskilning á dögunum. Þannig var mál með vexti að ég hafði safnað mottu með Keflavíkurliðinu og eftir tímabilið gekk ég framhjá bandaríska sendiráðinu fyrir tilviljun. Töldu þeir mig vera Achmed Mottah kaldrifjaðan morðingja og hryðjuverkamógúl frá Afganistan. En kallinn er mættur aftur...
Skrifa meira síðar... þarf samt á tölvunörra að halda til að uppfæra ýmislegt fyrir mig en leitin er þegar hafin og hafa þó nokkrir sett sig í samband við mig!

Sú var tíðin, þó ekki árshá
Jæja þá er kominn tími á blogg... Mögnuð árshátíð sem haldin var hjá Lögréttu á fimmtudag svo ekki sé nú meira sagt. Menn voru jú auðvitað í misjöfnu ástandi en það verður Búgímania fær þó hrósið fyrir að vera ófeiminn við að kynna aðra verðandi laganema fyrir kríuhlátrinum fræga. Líður mér stundum eins og ég sé á röltinu í á golfvellinum í Leirunni með hátt á annaðhundrað kríur sveimandi yfir mér þegar ég heyri manninn hlægja... Annars var nú þessi árshátíð prúðmannlega leikin að mestu nema hvað okkar ástsæli Keflvíkingur tók upp á því að reyna að slumma mig fyrir framan kærustuna sína. Ekki beint viðeigandi, eins og ég tjáði honum en menn verða bara misjafnlega æstir með víni...
Tókst í gær að slá nafn mitt á spjöld sögu minnar með því að taka jafn mörg fráköst í leik og tekin þriggjastiga skot. Nei, ég tók ekki 15 fráköst, heldur þrjú ef þið eruð að velta þessu fyrir ykkur...
Annars er nú lítið að frétta nema hvað að mér, sjálfum Rómeó, tókst að gleyma og ekki gleyma konudeginum í gær. Alveg týpískt að þurfa að láta minna sig á þetta, en þetta verður bara til þess að ég kem sterkari til baka á næsta ári. Þess má þó til gamans geta að ég hef aldrei gleymt afmæli konunnar né heldur brúðkaupsafmælinu og afmæli barnanna...
Hætti nú ekki án þess að minnast á Idol... jú, ég geri það víst!
Rezpect aiiijt